Seguindo o plan de dinamización da Oficina Transfronteiriza de Apoio á Transición Enerxética, hoxe desde Comenerg realizamos un novo evento de información e participación: un obradoiro de concienciación no centro educativo IES Chamoso Lamas (O Carballiño), dirixido ao alumnado de ciclos de electricidade.
O obxectivo principal desta sesión foi achegar o concepto de Comunidades Enerxéticas Locais (CEL) á comunidade educativa e á cidadanía, reforzando a comprensión dos seus beneficios e potencialidades.
Durante o obradoiro abordáronse aspectos clave como: que son as CEL, que vantaxes ofrecen en termos de aforro e eficiencia enerxética, e as diferenzas entre formar parte dunha comunidade enerxética fronte ao autoconsumo individual con enerxías renovables. Ademais, repasamos os procedementos para a creación dunha CEL e compartimos información sobre as axudas e apoios dispoñibles para facilitar a súa implementación.
A sesión favoreceu a participación activa do alumnado e do profesorado, xerando un espazo de diálogo no que se resolveron dúbidas e se compartiron experiencias, contribuíndo a consolidar a cultura enerxética no territorio.
Esta actividade forma parte dunha estratexia máis ampla de comunicación e sensibilización que busca chegar tanto á poboación como aos axentes locais a ambos lados da fronteira, promovendo a implicación de institucións, empresas e cidadanía no desenvolvemento das CEL.
Desde Comenerg seguimos traballando para transferir coñecemento, crear redes de colaboración local e impulsar a transición enerxética a través da cooperación transfronteiriza e do desenvolvemento de solucións de autoconsumo colectivo. 💡⚡
#Comenerg #TransiciónEnerxética #ComunidadesEnerxéticas #CEL #AutoconsumoColectivo #EnerxíaRenovable #EficienciaEnerxética #CooperaciónTransfronteiriza #OCarballiño #IESChamosoLamas
Recent Comments